Gure barrutien historiak bizia hartuko du. Presta zaitez Bilboko hainbat auzotako gertaera historikoak, bitxikeriak eta pasadizoak ezagutzeko, horien historiaren parte izan ziren pertsonaien eskutik. Arrazoi gehiago behar al dituzu gure auzoak ezagutzeko edo berrezagutzeko? Plan ezin hobea da Bilboz gozatzeko eta gure historiaren protagonistek egin zutenen aurrean harritzeko. Antzerkiaren emozioa eta Hiriaren aberastasun kulturala batzen dituen Esperientzia paregabea. Ez zaitez etxean geratu, zure zain gaude!
San Adrian (Irailaren 5etik 15era)
Pagasarriren oinetan dagoen San Adrianek meategiez eta erromeriez betetako iragana du. Zatoz bertako jendea zelan bizi zen ezagutzera. Zertan lan egiten zuten eta euren jaiak zelangoak ziren kontatuko dizute, baita bitxikeriak ere, eta agian zereginen batean lagundu beharko duzu… Ez galdu San Adrián eta bere historia ezagutzeko aukera protagonista izan zirenen eskutik!
Begoña (Irailaren 19tik 29ra)
Batzuetan bidaiak konplikatu egiten dira, batez ere denboran zeharreko bidaiak badira! Baina, batzuetan, konplikazioak dira bidaiako gauzarik dibertigarriena. Gerra baten erdian ezkutuko trama baten berri izatea, emakume zigarro-saltzaile erreibindikatibo batekin berba egitea edo zu jaio aurretik hartutako argazki batean irtetea… eta hori guztia Begoña auzotik irten barik! Beno, auzoa orain! Izan ere, duela 100 urte arte, hau Begoñako Errepublika zen. Animatu etortzera eta homologatutako denboraren bidaiari bihurtzera!
| 2024/09/19 | 18:30 – euskeraz |
| 2024/09/20 | 17:00 eta 19:00 – gaztelaniaz |
| 2024/09/21 | 17:00 eta 19:00 – gaztelaniaz |
| 2024/09/22 | 11:00 eta 13:00 – gaztelaniaz |
| 2024/09/26 | 17:00 eta 19:00 – euskeraz |
| 2024/09/27 | 17:00h zeinu hizkuntza interpretea eta 19:00h – gaztelaniaz |
| 2024/09/28 | 11:00 eta 13:00 – gaztelaniaz |
| 2024/09/29 | 11:00 eta 13:00 – gaztelaniaz |
